Ku Mang Jojo ping 19 Mei 2010 tabuh 15:24
( hehe...pelog anca kitu ?)
la ti na mi la da mi na mi da mi da na ti la
La ti na miii mi daa mi naaa
La ti na daaa la tiii na ti laaa
La tin na daaa mi daa mi naaa
Da mi da miii ti na ti la ti laaa
hehee solmisasi... (diatonis?)
mi fa so si mi do si so si do sido so fa mi
mi fa so si si do si so
mi fa so do mi fa so fa mi
mi fa so do si do si so
do si do si mi fa mi sol fa mi
hayu urang kawitan .
asal usulna manusa
diyuga ku nu kawasa
kawit cai seni rasa
buah cinta nu karasa
ngawitan buruy nyuruntul
ngudag endog nu ngajentul
endog teh henteu ngahintul
buruy teh teras dibubuy
dibubuy teh mecah dua
kitu wae saterasna
al alaq atuh jantena
zigot anu saterasna
ngawitan didamel badan
ditambih aya cepilan
teras panon titingalan
tos ngawitan balegeran
tangan sampean narolol
ngudag sirah ageung nonghol
tali ari un ngarengkol
hoyong sami ngiring embol
tilu sasih tos tos nyawaan
ditiupkeun ku nu rohman
lambut ibu get ugetan
napas bayi lalaunan
sepuhna ngaraos quran
serat yusuf tur ar rohman
tabarok yasin tur lukman
al kahfi jeung ali imran
nincak kana tujuh sasih
wetengan sok dipiasih
disiram ku cai bersih
diawur ros jeung solasih
tujuh sasih atos cekap
pami lahir oge ’siap’
popok gurita tos ’lengkap’
kampuh panel sareng elap.
waktosna bulan alaeun
jabang bayi teu diingkeun
beuki nyaah ibu anjeun
tangan teh sok diusapkeun
borojol teh bayi nangis
si ibu mah ’seuri amis’
ramana ge teu muringis
kajeung beya rada awis
adan di palih katuhu
dikenca iqomat atuh
ngadunga ruku nu rengkuh
sujud syukur bari nyuuh
tatahar kanggo akekah
tawis na aya kabungah
ku syukur alhamdulillah
mugia nyandak barokah
Alloh anu robbulghofur
nyipta sinarengan ngatur
nasib takdir keur dilembur
samemeh urang dikubur.
*gs19052010
0 komentar:
Posting Komentar